Përfaqësues nga KFOR-i grek , përkatësisht nga forcat monitoruese LMT, në largim, u pritën sot nga kryetari i komunës së Ferizajt, Bajrush Xhemaili. Ata me këtë rast kanë shkëmbyer fjalë miradije dhe falënderime me njëri -tjetrin për bashkëpunimin e suksesshëm. Më këtë rast Xhemaili ka thënë se gjatë kësaj kohe kishin bashkëpunim të shkëlqyer me forcat LMT në largim,duke thënë se ata përgjatë misionit të tyre kontribuan lart në çështjen e sigurisë.
Me këtë rast përfaqësuesin i LMP-së në largim Kelesis Evangelos, ka theksuar faktin se kryetari Xhemaili, ka qenë ai që ka bashkëpunuar tejet mirë me këtë sektor të KFOR-it grek. Ai ka thënë se në Kosovë do të vjen shumë më shpesh për të takuar edhe miqtë e tij që ka bërë këtu gjatë mandatit të tij gjashtë muajsh në Kosovë.
Nga ana tjetër Batsoulas Panagiotis i cili do të merr detyrën e re, ka thënë se shpreson në një bashkëpunimin me autoritetet lokale , duke shpresuar se do të jetë në gjendje të vazhdojë marrëdhëniet e mira me qytetarët si dhe me institucionet.
Kryetari i Komunës së Ferizajt, Bajrush Xhemaili ka pritur në një takim përfaqësuesit e KFOR-it grek përkatësisht ata të LMT-së.
