Nën patronatin e kryetarit të komunës së Ferizajt, Muharem Svarqa, në orët e pasdites është mbajtur takimi me bashkatdhetarë të qytetit të Ferizajt e të cilët po jetojnë në vende të ndryshme të botës.
U tha se takime të këtilla janë të një rëndësie të veçantë me vet faktin se të hyrat kryesore në komunën e Ferizajt, janë nga vet mërgimtarët tanë. I pari i komunës, Muharem Svarqa, ka thënë se komuna jonë do të bëjë një përkujdesje maksimale ndaj të gjithë mërgimtarëve, që kanë kontribuar në vitete më të rënda në Kosovë.
"Çfardo që bëjnë instiucionet është e vogël, në krahasim me atë që keni bërë ju për Kosovën, për shkak se për vite të tëra ju keni qenë buka e përditshme e Kosovës, duke i mbajtur gjallë edhe të gjitha institucionet e Kosovës, që kanë vepruar në të ashtuquajturin sistem paralel atëherë, që ka shërbyer vazhdimisht si bazë e themelimit të të gjitha institucioneve të Kosovës të cilat funksionojnë edhe sot", ka thënë Svarqa.
Kryetari i komunës së Ferizajt, Muharem Svarqa, ka thënë se do të gjejnë forma të ndryshme për të bashkëpunuar me mërgimtarët.
"Ne përpos që do të përkujdesemi për të gjithë, do të gjejmë edhe mënyra për të bashkëpunuar me këtë pjesë të dhimbshme të trungut tonë shqiptar, do të punojmë në intesifikimin e bashkëpunimit edhe në sferën ekonomike, duke krijuar mundësi që të bëjmë edhe një zyrë për investime e cila do t’i përgjigjet zyrës së kryetarit dhe e cila do të merret me orientimin e investimeve të interesimeve të mërgatës tone. Kjo pasi ne e dimë që mërgata jonë dhe sidomos pjesa e të rinjëve tanë, nuk janë më vetëm punëtorë fizikë nëpër Evropë, por janë edhe pjesë përbërëse e zhvillimeve në vendet ku jetojnë. Pjesa më e madhe e këtyre të rinjëve përveç zhvillimit intelektual, kanë arritur edhe rezultate te jashtëzakonshme si afaristë të suksesshëm në vendet përkatëse,” ka potencuar Svarqa.
Përkushtim tjetër i qeverisë lokale të Ferizajt, është edhe zotimi që në një të ardhme të afërt një pjesë e madhe e studentëve të mërgatës të kontribuojnë shumë edhe në Kosovë.
"Ne poashtu do të punojmë që një pjese të studentëve dhe intelektualëve të formuar atje, t’iu krijojmë kushte dhe mundësi që t’a ndihmojnë Kosovën, duke qenë pjesë e institucioneve qoftë komunale dhe qëndrore. Ne e dimë që një pjesë e madhe e juaja, jeton me kokën e kthyer nga Kosova, dhe dimë që përjetimet gjithmonë janë më të thella se tonat që jemi këtu. Jemi të gatshëm që ngrohtësinë të cilën ua kanë ofruar familjet tuaja kur keni ardhur në Kosovë, tani t’ua ofrojmë edhe institucionalisht,” ka thënë në fund Svarqa.
Përkushtim tjetër i qeverisë lokale të Ferizajt, në një të ardhme të afërt një pjesë e madhe e studentvë të mërgatës të kontrobojnë shumë edhe në Kosovë. "Ne po ashtu do të punojmë që një pjesë e studentëve dhe intelektualëve të krijuar atje, që t’ju krijojmë kushte dhe mundësi që ta ndihmojnë Kosovën, duke qenë pjesë e institucioneve qoftë komunale dhe qëndrore. Ne e dimë që një pjesë e madhe e juaja, jeton me kokën e kthyer nga Kosova, dhe dimë që përjetimet gjithmonë janë më të thella se tonat që jemi këtu, por në përgjithësi tani jemi të gatshëm që një pjesë të ngarkesave që kemi pasur, por që ju mund të vinë kur do që keni mundësi të vini në vendlindjen tuaj dhe do të keni mundësi që siç priteni ngrohtë në familjet e juaja ashtu do të priteni edhe nga institucionet tona komunale që do të jenë të hapura për mërgimtarët tanë", ka përfunduar Svarqa.
Mërgimtarët e pranishëm në këtë takimi i ka përshëndetur edhe zyrtari i Ministrisë së Diasporës, Naim Gashi. Ai ka thënë se takime të këtij lloji janë shumë të rëndësishme për të gjithë bashkatdhetarët që jetojnë në vende të ndryshme të botës.
Me një fjalë rasti i është drejtuar edhe mërgimtari Avdyl Ferati i cili aktualisht jeton në Shtetet e Bashkuara të Amerikës.
Gjatë takimit njëkohësisht u bë e ditur se takime të këtij lloji do të jenë tradicionale, në mënyrë që të dihen nga afër edhe preokupimet me të cilat përballen bashkatdhetarët tanë në botën e jashtme.
Në këtë takim morën pjesë bashkatdhetarë nga vende të ndryshme të botës. Ata i janë shprehur mirënjohës, kryetarit të komunës së Ferizajt, Muharem Svarqa për takimin e organizuar.
