Me këtë rast kryetari i Komunës së Ferizajt, Bajrush Xhemaili, ka theksuar se kjo është një vizitë kthyese e Komunës së Gjakovës pas asaj që ka bërë kohë më parë komuna jonë.”Kemi këmbyer përvoja edhe atëherë edhe tani për punë sa i përket pushtetit lokal ne kemi pasur çka të mësojmë atëherë për Gjakovën, por edhe tash dhe vazhdimisht shikojmë se si ta perferksjonjomë qeverisjen e pushtetit lokal”, ka thënë Xhemaili duke shtuar se ky është një rast i mirë bashkëpunimi me komunën e Gjakovës për shkak të asaj se Pal Lekaj është një kryetar e din se çka bënë dhe ka një përvojë të gjatë sa i përket ekzekutivit. “Në këtë takim po ashtu kemi biseduar edhe shumë çështje të tjera që sigurisht se këtë bashkëpunim do ta vazhdojmë edhe në të ardhmen”, tha Xhemaili.
Nga ana tjetër kryetari i Komunës së Gjakovës Pal ka theksuar se sa i përket bashkëpunimit ndërkomunale, ky është duke vazhduar që një kohë me komunën e Ferizajt. “Kemi një bashkëpunim të fusha të caktume që kanë ndikuar edhe puna e kryetarit të Komunës së Ferizajt, zotëri Xhemaili, që me të vërtet është ndër kryetarët më të përkushtuar e them lirisht në Kosovë, për punën për shërbimin ndaj qytetarëve dhe ka dëshmuar edhe në kohë të caktuar dhe duke u nisur nga këto përvoja ne sot jemi këtu që të kthejmë vizitën kryetarit të Ferizajt, në kuadër të bashkëpunimit i cili do të jetë dobiprurës në të ardhmen për dy komunat dhe përfitues kryesor do të jenë qytetarët, prandaj e thamë kryetari ne do të mësojmë nga njeri tjetri dhe kemi se në çka të bashkëbisedojmë në këtë drejtim dhe të mësojmë për përvojat e mira që shkojnë në favor të komunave sidomos shërbimeve ndaj qytetarëve”, ka thënë Lekaj .
Në këtë takim janë diskutuar edhe çështje të tjera të cilat janë në të mirë të këtyre dy komunave, por edhe qytetarëve në ofrim të shërbimeve të tyre.
Kryetari i Komunës së Ferizajt, së bashku me drejtorët e Drejtorive komunale si atë të Ekonomisë, Financave dhe Buxhetit Mustafë Graincën, drejtoreshën e Drejtorisë së Urbanizmit Qazime Vata , drejtorin e Planifikimit Ardian Ferizin, drejtorin e Bujqësisë Safit Halilin si dhe kryesuesin e Kuvendit të Komunës Agim Aliun, kanë pritur në një takim këtë të enjte homologët e tyre nga Gjakova.
