Në kuadër të debateve që po zhvillohen në 11 qytete të Kosovës për ndryshimet kushtetuese ,edhe në Ferizaj sot është mbajtur një debat i tillë me qytatarë nga Komisioni për ndryshime kushtetuese. Debati mbi ndryshimet e reja kushtetuese mund të ndihmojë në formimin e platformës elektorale të kandidatëve të mundshëm për president. Për herë të parë në histori, presidenti i Kosovës do të zgjedhet nga një votim i drejtpërdrejtë nga publiku,ndërsa data nuk është caktuar ende. Këtë takim e ka përshëndetur edhe kryetari i komunës së Ferizajt,Bajrush Xhemaili.
Diskutimi mbi amandamentimin e Kushtetutës së Republikës së Kosovës, që do të mundësoj zgjedhjen e drejtëpërdrejt të presidentit të vendit, kishte zgjuar të martën interesimin e qytetarëve të Ferizajt, të cilët për rreth një orë e gjysmë debatuan me anëtarët e komisionit për amandamentimin e Kushtetutës.Fillimisht kryetari i Komisionit për Amandamentimin e Kushtetutës së Republikës së Kosovës, Arsim Bajrami, para të pranishmeve ka sjellur një informatë lidhur me ecurinë e punës së këtij komisioni, duke u ndalur veçmas në draftin e punës prej nenit 85 e deri te neni 91. Ai ka thënë se këto ndryshime nuk kanë për qëllim që të krijojnë konkurrencë në lidership, por përkundrazi të krijojnë rend, ndarje të qartë të kompetencave dhe funksionim më të mirë të shtetit.Kryetari i këtij komisioni më këtë rast ka pasqyrura edhe alternativat e mundshme për ndryshimin e procedurave të zgjedhjes së presidentit, duke kërkuar nga qytetarët që me propozimet e tyre të japin alternativa për mënyren e zgjedhjes së presidentit, mosha e tij , shtetësia, mënyra e kandidimit, betimi, raportete kushtetuese të presidentit me kryeminsitrin etj.
Në debatin që rrodhi qytetarët kishin mendime të ndryshme mbi temën e presidentit të ardhshëm.Ata kërkonin një presidenti të lindur në Kosovë, të ketë moshë të pjekur dhe bagazh të pasur eksperiencash.
Bashkim Fazliu ngriti çështjen e moskorospodimit të neneve ndër veti dhe propozoi që vendi i betimit të presidentit të jetë Prekazi, studenti B. Ajeti kërkoi që për president të kandidojë vetëm ai person që është banorë i Kosovës për më shumë se dhjetë vite dhe të ketë moshë mbi 40 vjeç. Gazmend Rexhepi, shtroj nevojën e rishikimt të kompetencave të kryetarit, ngase ai zgjidhet direkt nga vota e qytearëve.Nga debati rezultoj edhe çështja se Kosova a duhet të ketë president apo edhe zv/president, rishkimin e kompetenecave në mes presidentit dhe kryeministrit, formën e votimit, dolen edhe kërkesat që të mos ngutet me betimin, se Kosova është vend multietnik e deri te ajo e perdorimit te emrit kryetar e jo president..
.Zyrtarë të Komisionit për ndryshimin e kushtetutës poashtu thanë se Komisioni kushtetues do të kërkojë mandat shtesë nga Kuvendi i Kosovës për të bërë ndryshime të tjera në Kushtetutë, një prej të cilave është edhe qartësimi i kompetencave mes presidentit dhe kryeministrit.Gjithashtu u bë e ditur se komisionet e emëruara nga Kuvendi po përgatisin zgjedhjet me vetë faktin se po krijojnë bazën kushtetuese dhe ligjore. Me rezolutën e miratuar në Kuvend, është parashikuar që 6 muaj pas miratimit të këtyre amendamenteve kushtetuese të shpallen zgjedhjet presidenciale.
Në debat interesimi i qytetarëve ishte i jashtzakonshëm
