Ka nisur zyrtarisht edicioni i 14-të i Festivali Ndërkombëtar i Filmit Ferfilm, me një ceremoni solemne të mbajtur në Teatri “Adriana”. Mbrëmja hapëse u shënua me një performancë në trumpetë nga Art Ramadani, duke krijuar një atmosferë artistike për të pranishmit.
Në kuadër të programit, u shfaq edhe një video përkujtimore për artistin e ndjerë Kushtrim Asllani, i cili kishte qenë pjesë e festivalit në vitet e mëparshme. Një moment i veçantë i mbrëmjes ishte premiera e filmit dokumentar Pesë lule një notë e humbur, nën regjinë e Fatlum Haziri.
Aktiviteti u përmbyll me një koktej me ushqime tradicionale, duke promovuar kulturën dhe trashëgiminë vendore.
Festivali do të zgjasë pesë ditë, me program të pasur filmik. Çdo ditë nga ora 16:00 deri në 18:00 do të shfaqen filma të shkurtër, ndërsa nga ora 20:00 do të prezantohen filma artistikë nga produksioni shqiptar.
