Vogëlushët ferizajas Rajana Terziu, Elvir Dashi, Diar Terziu e Anik Terziu ditë më parë dhanë shembullin e madh të ndershmërisë e përgjegjshmërisë qytetare, të cilët gjetën portofole me mjete monetare e të njejtat i dorëzuan në Polici, rrjedhimisht tek pronarët e tyre. Ky akt i jashtëzakonshëm i vogëlushëve ferizajas, është për lëvdatë e shembull frymëzimi për të gjithë.
Rajanën, Elvirin, Anikun e Diarin nxënës të shkollës “Ahmet Hoxha” i prita sot bashkë me drejtoren e shkollës dhe një pjesë të personelit drejtues e mësimor të shkollës për t’i shprehur lëvdatën publike për aktin e tyre që mbi të gjitha bënë krenar e shembull ndershmërie jo vetëm vogëlushët e familjet e tyre, shkollën por të gjithë Ferizajn.
