Të enjten është mbajtur seanca e rregullt ku u miratua në parim propozim vendimi për ridestinimin e mjeteve buxhetore në komunën e Ferizajt. Ardian Ferizi drejtor i Drejtorisë për Planifikim, Zhvillim dhe Rindërtim, ka thënë se ka 327 mijë euro të cilat do të ridestinohen për projekte të reja, si dhe projekte të cilat nuk kanë përfunduar tërësisht.
Ndërsa pas fjalës së Drejtorit, Ferizi, asamblistët e Kuvendit të Ferizajt, kryesisht të opozitës edhe pse kanë përkrahur në parim dhe kanë miratuar propozim vendimin për redistinimin e mjeteve buxhetore, kanë bërë disa rekomandime në adresë të komunës për ridestinimin e këtyre mjeteve në projekte të caktuara, përderisa pjesëtarë të pozitës kanë thënë se është duke u bërë një menaxhim i mirë i parasë publike.
Dhe në fund të diskutimit dhe miratimit të propozim vendimit për ridestinimin e mjeteve buxhetore, Mustafë Graica, drejtor i Drejtorisë për Ekonomi Financa dhe Buxhet dhe Ardian Ferizi drejtori i Drejtorisë për Planifikim dhe Zhvillim, janë përgjigjur në pyetjet e deputetëve komunalë .
Ndërsa pika më e nxehtë ka qenë ajo për inicimin e marrjes së vendimit për krijimin e zonave industriale, sipas deputetëve të opozitës, ende nuk është krijuar kushtet e duhura për marrjen e një vendimi të tillë, vërejtjet më të mëdha u bën kundër propozimit, që edhe në disa prona private, duhen të krijohen zonat në fjalë, pas një debati të gjatë me 5 vota të abstenuara u votua edhe propozimi për krijimin e zonave industriale.
Në ketë mbledhje janë diskutuar edhe pika të tjera, ndër to propozim vendim për inicimin e krijimit të zonave ekonomike, plani i veprimit për integrimin e komuniteteve rom, ashkali dhe egjiptas në Ferizaj 2010-2012, propozim vendime për destimin e dy ngastrave kadastrale në fshatin Dardani për nevojat e shërbimit të ofiqarisë si dhe është dhënë një informatë rreth përgatitjeve të përgjithshme të shkollave gjatë vitit shkollor 2010-2011.
Pika më e nxehtë ka qenë ajo për inicimin e marrjes së vendimit për krijimin e zonave industriale, sipas deputetëve të opozitës, ende nuk është krijuar kushtet e duhura për marrjen e një vendimi të tillë, vërejtjet më të mëdha u bën kundër propozimit, që edhe në disa prona private, duhen të krijohen zonat në fjalë, pas një debati të gjatë me 5 vota të abstenuara u votua edhe propozimi për krijimin e zonave industriale
