“Roli dhe përgjegjësitë e Njësiteve për të drejtat e njeriut në komuna"ishte tema e punëtorisë së sotme në Ferizaj, organizuar nga Njësiti për të Drejtat e njeriut me mbështetjen e OSBE -së si dhe të Ministrisë së Administrimit të pushtetit lokal. Gjatë këtij takimi ekspertët e OSBE-së misioni në Kosovë,si dhe anëtarët e Njësiteve për të drejtat e njeriut kanë bërë prezantime dhe diskutime të ndryshme lidhur me të drejtat e njeriut si dhe për rolin dhe përgjegjësitë e njësiteve përkatëse në komuna.” Me një udhëzimin administrativë është bërë fuqizimi i njësisë së të drejtave të njeriut nëpër komuna të Kosovës, njësi numëron tre zyrtarë bashkë me koordinatorin e njësisë që mbron të drejtat e pakicave te fëmijët, barazitë gjinore dhe të gjitha të drejtat që janë universale për jete”, ka thënë Vjollca Krasniqi, zyrtare komunale e njësisë për të drejtat e njeriut në komunën e Ferizajt.
Ndërkaq, drejtori i Drejtorisë Komunale të Administratës dhe Personelit në Ferizaj, Vesel Zhinipotoku është shprehur se kjo njësi është e një rëndësie të madhe dhe ka peshë shumë të madhe në komunën e Ferizajt.” Ne kemi krijuar mekanizma që vërtet janë të nevojshëm, duke promovuar liritë dhe të drejtat e njeriut, pavarësisht dallimeve për nga etnia, gjinia apo përkatësisë së tyre të realizojmë të drejtat e tyre dhe çdo here ky njësit e ka obligim që vërtet të bëjë monitorimin se si janë duku u zbatuar të gjitha ligjet me konvente ndërkombëtare që e rregullojnë këtë lëmi”, ka thënë Zhinipotoku.
Planifikohet që me datën 8 nëntor të mbahet edhe një tryezë tjetër ku do të prezantohet puna e të gjitha Njësive komunale për të drejtat e njeriut.
Organizuar nga Misioni i OSBE-së, këtë të enjte në Ferizaj është mbajtur një debat me temën” Roli dhe përgjegjësitë e njësisë së të drejtave të njeriut në komuna".
