Me këtë rast kryesuesi i këtij komiteti, Asllan Shabani ka thënë se duhet të bëhet një agjendë për këtë festë në mënyrë që ajo te jetë sa më madhështore. “Është mjaft e rëndësishme forma e këtij organizimi, dhe të përcaktojmë edhe kritere ,ndërsa agjentën duhet ta caktojmë në bashkëpunim me institucionet” është shprehur Shabani, duke theksuar se qyteti duhet të stolistet me flamuj dhe duhet të ketë petkun festiv, po ashtu të definohet që të jetë ditë pushimi.” Ndërsa agjenda të mos jetë e ngjeshur por të jetë sa më e kapshme” ,theksoi Shabani.
Ndërkaq, kryesuesi i Kuvendit Komunal të Ferizajt, Agim Aliu ka thënë se kjo është një çështje shumë e rëndësishme , në mënyrë që kjo ditë të jetë sa më e dinjëtetëshme dhe do të bëhet me një dizajn tjetër për të cilën gjë është debatuar prej vitit të kaluar.
“ Vendimi i kuvendit të komunës i përcakton ditët e festave për komunën tonë dhe kjo është 12 Qershori dhe 28 Shtatori. Këtë ditë është mirë që inspektorati të jetë në nivel të detyrës në mënyrë që të festohet e jo të punohet , andaj ata duhen ta kryejnë këtë obligim” ka thënë Aliu, duke bërë të ditur se për këto çështje duhet të bisedohet edhe me nënkryetarin e Komunës Besim Zymberin si dhe me Drejtorinë e drejtorisë komunale të Kulturës, Rinisë dhe Sportit Naim Feratin. “ Gjatë bisedimeve jemi pajtuar se tubimi solemn të mbahet në Qendrën e Kulturës, ku do të flasë kryetari i komunës dhe një udhëheqës i shoqatës dhe konsideroj se për këto festa çdo herë ka qenë një marrëveshje se kush duhet të flasë. Pas fjalëve tematike më pas do të mbahet edhe pjesa artistike. Në këtë mbledhje do të ftohen anëtarët e KK-së , familjet e dëshmorëve dhe shumë të tjerë pasi që lokali është mjaft i madh” ka thënë Aliu.
Ndërkaq, sa u përket homazheve Kadri Islami, babai i dëshmorit Driton Islami- Toni ka thënë se homazhet të bëhen në orën 10 ashtu siç ka qenë deri më tani.
Nga ana tjetër Nazmi Krasniqi ,kryetar i Organizatës së Veteranëve të luftës, ka propozuar që në të gjitha shkollat e komunës së Ferizajt, ora e parë mësimore të jetë një orë historike.
Në përfundim të kësaj mbledhje drejtues të Komitetetit të kategorive të dala nga lufta, kanë apeluar tek qeveria e Republikës së Kosovës, që urgjentisht të sjellin ligjin për mbrojtjën e vlerave të luftës së Ushtrisë Çlirimtare të Kosovës. Ata kanë theksuar se është momenti i fundit që për këto kategori të mendojnë, të rezonin, të vepronin dhe të vendosin me përgjegjësi shtetërore.
Drejtues të këtij komiteteti poashtu kanë apeluar tek grevistët , që për shkaqe shëndetësore t’a ndërpresin grevën e urisë dhe bashkarisht në mënyrë institucionale t’i kërkojmë të drejtat tona legjitime.
Komiteti i kategorive të dala nga lufta , ka filluar takimet e rregullta për të përgatitur agjenden me rastin e 12 Qershorit, Ditës së Çlirimit të Ferizajt.
