Në këtë ditë të pandemisë së virusit COVID-19, sipërmarrësit ferizajas po shprehin solidaritetin e tyre duke ndihmuar familjet skamnore. Të tillë janë edhe furrtarët ferizajas që u pritën sot nga i pari i Ferizajt, Agim Aliu. Aty, pas diskutimeve lidhur me gjendjen e furnizimit të qytetarëve me bukë, u mor vendim që furnizimi me bukë të bëhet ekzkluzivisht në furra, sipas orareve të përcaktuara kurse furnizuesit me bukë të marketeve dhe dyqaneve në zona rurale, obligohen të paketojnë produktin në qese plastike.
Njëkohësisht vendimi që u mor, i pari i këtij lloji në vend në këtë situatë, ishte ai për ofrimin falas në baza ditore i bukës për familjet skamnore.
Furrtarët për këtë solidaritet i falënderoi e në emër të ferizajasve iu shprehu mirënjohjen i pari i Ferizajt, Agim Aliu.
