Gjatë këtij takim kryetari Xhemaili kolonelin grek e ka njoftuar për së afërmi me zhvillimet të cilat janë në qytetin e Ferizajt.’’Ferizaj është qyteti më i qetë në Kosovës. Këtu kemi edhe fshatra të cilat janë të banuar me komunitetin serb, por kemi edhe komunitetin RAE, të cilët kanë një jetë të mirë por ajo më e veçanta është se kanë gjithë infrastrukturën e rregulluar’’, ka thënë Xhemaili, ndërsa ka shtuar se Ferizaj është qyteti i tretë sa i përket popullsisë ndërkaq problem mbetet papunësia.’’Numri i të pa punëve është rreth 20 mijë , por krahasuar me komunat tjera prap se prapë jemi më mirë, për shkak se në komunat tjera ka edhe më shumë të pa punë’’ , ka potencuar Xhemaili.
Nga ana tjetër ushtruesi i detyrës së komandantit të Forcave greke në kampin ‘’Rigas Ferros’’, koloneli Tsonso Toannis, ka thënë se ndjehet mirë në qytetin e Ferizajt.’’ Është hera e parë që unë vi këtu. Ky vend është tejet i mirë edhe pse jam në dijeni se kam ardhur në një vend i cili ka dalur nga lufta. Ne si grekë do të vazhdojmë të ndihmojmë popullatën e këtushme’’, ka thënë kolonel Toannis.
Të dyja palët janë pajtuar që të bashkëpunojnë ngushtë në mënyrë që edhe qytetarëve të Ferizajt tu krijohet një ambient shumë më i qetë.
Kryetari i Komunës së Ferizajt, Bajrush Xhemaili, priti në një takim ushtruesin e detyrës së komandantit të Forcave të KFOR-it grek kolonel Tsonos Toannis, i cili këtë mision e ka filluar ditë më parë.
