Një delegacion i lartë i Maltës ka qëndruar në Selinë e CARITAS-it të Kosovës në Ferizaj. Delegacioni maltez i kryesuar nga ministri i shëndetësisë, Xheyzepe Madia ka premtuar mbështetje për personat në nevojë nga Kosova, në veçanti trajtimin e të sëmurëve më sëmundje kardiake në institucionet shëndetësore të këtij vendi.
"Ne shprehëm gatishëmrinë tonë për të ndihmuar në shumë rrafshe qytetarët e Kosovës përmes CARITAS-it të Kosovës. Gjatë takimit që kam pasur me ministrin e Shëndetësisë së Kosovës është diskutuar çështja e të sëmurëve me sëmundje të rënda në Kosovës, të cilët nuk mund të trajtohen këtu. Ministri më ka thënë se janë 66 persona të sëmurë me sëmundje kardiake, kryesisht fëmijë. Ne do të shikojmë mundësinë që të marrim për trajtim këta të sëmurë, do të përgjigjemi së shpejti edhe rreth shpenzimeve që besoj se do të jenë minimale ose të pakta" ka thënë ministri maltez Madia. Ai ka thënë se do të hapet në Kosovë edhe një përfaqësi. Gatishëmria e kalorësve maltez për të ofruar dashuri për njerëzit në nevojë dhe për krijimin e urave të miqësisë përmes mbështetjes e kanë mirëpritur drejtues të CARITAS-it të Kosovës dhe të institucioneve shtetërore të vendit. Don Viktor Sopi, drejtor i CARITAS-it ka thënë se ndjehet i kënaqur me gatishëmrinë e tyre për të ndrihmuar ata që sot kanë nevojë. "Nuk ka si të mos ndjehem mirë, kur njerëzve në nevojë u ofrohet dashuri: ka thënë Sopi. Ndërsa deputeti i Kuvendit të Kosovës, Elmi Reçica, i cili kishte aranzhuar këtë takim, ka thënë se kontributi i kalorësve maltez do të jetë i theksuar dhe në interes të qytetarëve nevojtarë."Në të ardhmen mendojmë ta zgjerojmë këtë partneritet" ka thënë Reçica, duke vlerësuar larta kontributin e tyre në ofrimin e mbështetjes për persona të sëmurë që nuk mund të gjejnë shërim në vend. Deputeti Reçica foli edhe rreth mundësisë së binjakzimit të Ferizajt me ndonjë qendër nga ky vend, partneritet ky që do të rezultojë i dobishëm për të dyja qytetet në rrafshin e shkëmbimit të ndërsjell të përvojave dhe përgjithësisht zhvillimit.
Kalorësit maltez ndihmojnë qytetarët në nevojë
