Me këtë rast kryesuesi i Kuvendit të Komunës së Ferizajt, Agim Aliu, është shprehur se pozita e personave me aftësi të kufizuara është reflektimi i pozitës së tyre në shoqëri në përgjithësi. Ai është shprehur se të gjithë duhet të bëjnë shumë më shumë së bashku me institucionet me organizata e ndryshme dhe me shoqërinë në përgjithësi që personat me nevoja të veçanta ta kenë pozitën e tyre në shoqëri. “Unë me këtë rast përgëzoj edhe komitetin për persona me aftësi të kufizuara i cili ka bërë punë të mirë dhe ka identifikuar mjaft mirë edhe shumë qartë të gjitha nevojat e kësaj kategorie”, ka thënë Aliu, ndërsa ka shtuar se Kuvendi ka miratuar një plan të veprimit sa i përket kësaj kategorie.”Edhe kur e kemi miratuar kemi pasur parasysh vështëristë që do të jenë në implementim e këtij plani dhe pjesë e së cilës kanë qenë të natyrës buxhetore, por me rëndësi është që ne e kemi miratu këtë plan dhe për aq sa ne do të mund ta implmenetojnë gjithmonë do të paraqiten mundësitë tona se si është mirë ta kemi një plan”, është shprehur Aliu.
Nga ana tjetër përfaqësuesja e Handikosit, Xhemile Muresli me këtë rast ka theksuar se të gjithë duhet të angazhohemi që të bëjmë ndonjë aktivitete në mënyrë që të përmirësimit të jetës së qytetarëve. “Desha me potencu atë se kohëve të fundit aktivitetin që kemi zhvillu me Ekipin e Edukimit të QKMF-së, falënderoj këtë ekip që na kanë mbështet dhe kështu kemi realizu një fushat sensibilizuese nëpër shkollat i kemi vërejt se ka nevojë ende të vazhdohet me fushata të tilla, mungojnë njohuritë edhe tek nxënësit por edhe tek mësimdhënësit për pozitën e personave me aftësi të kufizuara”, ka thënë Murseli.
Ndërsa drejtori i Drejtorisë së Shëndetësisë dhe Mirëqenies Sociale në Ferizaj, Bashkim Hyseni, ka thënë se përkrahja për personat me aftësi të kufizuara nuk do të mungojnë . Edhe drejtori i Drejtorisë së Arsimit në Ferizaj, Agim Berisha këto takime i ka vlerësuar si të një rëndësie shumë të madhe.
Me këtë rast është mbajtur edhe një manifestim ne qendrën e kulturës në Ferizaj.
Në prag të ditës ndërkombëtare të personave me aftësi të kufizuara, kryesuesi i Kuvendit të Komunës, Agim Aliu, drejtori i Drejtorisë së Arsimit, Agim Berisha,drejtori i Shëndetësisë së Mirëqenies Sociale, Bashkim Hyseni si dhe drejtues të Qendrës Kryesore të Mjekësisë Familjare, kanë pritur në një takim, përfaqësues të shoqatës Handikos, përfaqësues të shoqatës së të shurdhërve si dhe përfaqësues të shoqatës së të verbërve në Ferizajt.
