Kryetari i Komunës së Ferizajt Bajrush Xhemaili, këtë të premte ka pritur në një takim disa kryetar të bashkive të Shqipërisë. Me këtë rast kryetari Xhemaili është shprehur se ka pasur një kënaqësi shumë të madhe se për herë të parë ka pritur në një takim drejtues të bashkive të Republikës së Shqipërisë. “Janë mysafir të Asociacionit të Komunave të Kosovës, por në agjendë e kanë pasur edhe komunën e Ferizajt. Janë ardhur në këmbim të përvojave në nivel asociacioni, por edhe meqë janë të autoriteteve lokale edhe për pushtet lokal dje kemi pasur një konferencë të përbashkët dhe kjo është dita e tretë e tyre në Kosovë”, tha Xhemaili, duke shtuar se në këtë takim janë diskutuar çështje të ndryshme rreth funksionimit të pushteteve lokale.
Nga ana tjetër edhe kryetari i Bashkisë së Pukës Beqir Arifaj, ka thënë se në këtë takim janë biseduar çështje në interes të bashkëpunimit, por edhe të këmbimit të përvojave të ndryshme mes dy shteteve shqiptarë. “Bashkëbisedimet që patëm vërtet ishin me eksperiencë të madhe që u përcollën mes palëve dhe mënyra e qeverisjes mes pushteteve lokale. Pamë që këtu vërtet po funksionoje gjithçka në mënyrë perfekte”, tha Arifaj.
Me këtë rast të dyja palët u pajtuan se vizita të tilla do të ketë edhe në të ardhmen në mënyrë të shkëmbimit të përvojave të tyre.
Një delegacion i disa Bashkive të Shqipërisë u pritën sot nga kryetari i Komunës së Ferizajt, Bajrush Xhemaili.
