Kryetari i Komunës së Ferizajt, Bajrush Xhemaili, këtë të enjte priti në një takim, zv. kryeministren e Republikës së Kosovës, njëherësh ministren për Tregti dhe Industri, Mimoza Kusari-Lila. Me këtë rast Kryetari i Komunës së Ferizajt, Bajrush Xhemaili, ka theksuar faktin se në këtë takim janë diskutuar çështje të shumta në mesin e tyre edhe implementimi i Ligjit për inspektoratin.” Është diskutuar edhe për zyrën e regjistrimit të bizneseve që është në komunë tonë në zgjerimin e veprimtarisë së saj, por edhe për zonat ekonomike”, ka thënë Xhemaili, duke shtuar se të gjitha këto çështje janë diskutuar në të mirë të zhvillimit të biznesit në komunën tonë.
Ndërsa zv.kryeministrja njëherësh ministra për Tregti dhe Industri, Mimoza Kusari-Lila, është shprehur se edhe vitin e kaluar, por edhe këtë vit kjo ministri ka pasur një bashkëpunim të shkëlqyeshëm me kryetarin Xhemaili, por edhe me komunën e Ferizajt. “Bashkë me komunat e Kosovës si Qeveri qendrore synojmë në një agjende të shpejt të zhvillimit ekonomik, reforma të cilat qeveria i bënë në nivelin qendror me legjislacionin të cilin ka kalu¸janë shumë të rëndësishme që të zbatohen, jo vetëm në nivelin qendror, por edhe në atë komunal. Ka shumë pika të cilat ne nuk mund të funksionojmë si Qeveri pa përkrahjen e pushtetit lokal dhe jemi në pritje gjegjësisht në gatishmëri të bashkëpunimit dhe ngritjes së këtij bashkëpunimi”, ka thënë Kusari-Lila, duke thënë se implementimi i Ligjit të Inspektoratit është i rëndësishëm për Ministrinë e Tregtisë dhe Industrisë, për funksionim më të mirë të tregut, sigurinë e konsumatorëve, që pritet të funksionalizohet këtë vit.”Gjithashtu është i rëndësishëm ligjet të cilat kanë kaluar në Kuvendin e Kosovës për heqjen e lejeve të punës në nivelin komunal që do të ndikojnë në përmirësimin e rankimit të çështjes së Kosovës në indeksin e Bankës Botërore për bizneset dhe thjeshtësimin e procedurave. Gjithashtu për krijimin e zonave ekonomike, deri më tani pajtohemi gjithashtu se ekziston një procedure pak më e gjatë, se sa që do të ishte krejtësisht injorante për investitorët , por nga ana jonë e morëm obligimin për thjeshtësimin e procedurës për marrjen e lejes komunave për parcelat për shërbimet e tyre në zonat të ekonomike”, tha Kusari-Lila.
Zv.kryeministrja e Kosovës, Mimoza Kusari-Lila ka filluar të bëjë këto vizita në të gjitha Komunat e Kosovës dhe këtë e ka filluar pikërisht me komunën e Ferizajt, për shkak se kryetari Bajrush Xhemaili, është edhe kryetar i Asociacionit të Komunave të Kosovës.
U diskutuan çështje të shumta.
