Me moton “Barazia gjinore- vlerë njerëzore”do të shënohet festa ndërkombëtare e 8 Marsit apo festa e gruas. Pikërisht për këtë qëllim Grupi Joformal i Grave , është mbledhur sot për të diskutuar në detaje rreth organizimit sa më të mirë të kësaj dite. 8 Marsi njihet si ‘Dita e Gruas’, në të gjithë botën. Madje në shtete të ndryshme kjo ditë festohet si festë kombëtare. Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhjeje, por dhe për të kujtuar përpjekjet për barazi, paqe, drejtësi dhe ndërtim në gati nëntë dekada.
Kjo ditë u dedikohet mbi të gjitha grave të thjeshta, të cilat në saj të vlerave të tyre ndryshuan historinë botërore,kjo ditë u kushtohet grave të cilat për shekuj luftuan për barazinë e gruas në shoqëri. Në Greqinë antike, Lysistrata ishte nismëtarja e grevës së seksit ndaj burrave me kusht që ata të ndalonin luftën; gjatë Revolucionit Francez, gratë parisiene kërkuan të drejtat e grave nën thirrjen për "liri, barazi dhe bashkim".
Grupi Joformal i grave të Komunës së Ferizajt është mbledhur këtë mërkurë për të biseduar rreth shënimit të Ditës Ndërkombëtare të Gruas.
