Kryetari i Komunës së Ferizajt, Agim Aliu, ka theksuar se nënshkrimi i këtë memorandum- mirëkuptimi është bërë në kuadër të një udhëzimi administrativ të lëshuar nga Ministria e Punëve të Brendshme, ku bëhet bartja e kësaj njësie në kuadër të Agjencisë së Menaxhimit Emergjent( AME-së), agjencion ky i cili është në kuadër të kësaj ministrie.”Njësia profesionale e zjarrfikësve dhe shpëtimit janë staf i MPB-së dhe menaxhohen nga AME, në bashkëpunim dhe koordinim me komunat, por gjithsesi kompetencat e komunës janë po ato të njëjtat që kanë qenë edhe më herët, dmth ne mund të përcaktojmë detyrat dhe obligimet që janë në shërbim të qytetarëve të Ferizajt, por vetëm që sistemi i komandimit respektivisht i dhënies së përgjegjësi, është nga lartë”, ka thënë Aliu.
Ky memorandum mirëkuptimi nënkupton pranimin e të gjitha këtyre obligimeve duku nënkuptuar edhe pozicionet buxhetore që kanë të bëjnë edhe me mallrat dhe shërbimet, me pagat dhe mëditjet si dhe investimet kapitale që i kemi bërë deri tash me të gjitha asetet të cilat janë pjesë e njësisë së zjarrfikësve dhe po ashtu edhe personeli që është pjesë e kësaj njësi dhe tash kalon gjithçka në kuadër të Ministrisë së Punëve të Brendshme, respektivisht për angazhimin emergjent.
Kryetari i Komunës së Ferizajt, gjatë ditës së mërkurë, ka nënshkruar një memorandum bashkëpunimi në mes Ministrisë së Punëve të Brendshme, respektivisht mes Agjencisë së Menaxhimit Emergjent ku tash e tutje Brigada e zjarrfikësve, është nën menaxhimin e ministrisë.
