Në këtë takim është thënë se pyjet e Kosovës, konkretisht edhe të Komunës së Ferizajt, çdo ditë e më shumë po dëmtohen. Drejtori i Drejtorisë së Inspektoratit të pyjeve Kadri Kadriu, ka kërkuar nga komuna që të marrin masa të përbashkëta për dëmtuesit e pyjeve. “Përkrahjen e inspektoratit do ta keni dhe ne do të bëjmë kontrolla sa herë që kërkohet, ne do të bashkëpunojmë edhe me policinë, në mënyrë që të evidentojnë prerjen ilegale të pyjeve të cilat janë duku u bërë në komunën tuaj, por edhe në komunat tjera të Kosovës”, ka thënë Kadriu, duku shtuar se nëse vazhdohet me këtë ritëm të prerjes ilegale të drunjëve, nuk do të ketë se çka të menaxhohet me pyjet. “Ne si inspektorate i kemi të dhënat tona për dëmet që janë duku u shkaktuar, kështu që kisha kërkuar një bashkëpunim në qoftëse nuk marrim masa së shpejti atëherë pyjet e Ferizajt për një kohë të shkurtër nuk do të kemi se çka do të menaxhojmë”, është shprehur Kadriu.
Nga ana tjetër kryetari i komunës së Ferizajt, Agim Aliu, ka thënë se bashkëpunimi nuk do të mungojë. “Unë do të mundohem se çka është në anën time do të bëjë në mënyrë që të ngrisim përgjegjësinë institucionale, sepse unë e kam parasysh faktin se kjo nuk është diçka që ka ndodhur brenda muajve apo brenda viteve, por është një kontinuitet i bashkëveprimit”, ka thënë Aliu.
Në komunën e Ferizajt, janë 11 mijë hektarë pyje shtetërore dhe 3400 pyje private.
Kryetari i Komunës së Ferizajt, Agim Aliu, gjatë ditës së sotme ka pritur në një takim inspektoratin e pyjeve të Kosovës, nga Ministria e Pylltarisë dhe Zhvillimit Rural ku janë diskutuar shumë çështje lidhur me dëmtimin e pyjeve.
