Në kuadër të përgatitjeve për sezonin dimëror, Drejtoria Komunale e Shëndetësisë dhe Mirëqenies Sociale, ka filluar të ndihmojë kategoritë më të rrezikuara sociale të cilat kanë nevojë për ndihmë. Një gjë të tillë, kjo Drejtori e ka filluar me Burrnikun e thellë malor, duku ndihmuar 5 familjet të cilat aktualisht po jetojnë në këtë fshat. “Janë ndihmuar me artikujt ushqimor, por edhe me pako hixhienike. Ne kemi biseduar edhe me ta, në rast se ka ndonjë bllokadë apo ndonjë gjë nga reshjet e borës, do të mundohemi që t’i ndihmojmë vazhdimisht”, ka thënë drejtori i Drejtorisë së Shëndetësisë dhe Mirëqenies Sociale, Bashkim Hyseni.
U bë e ditur se të gjitha familjet e fshatit Burrnik, marrin edhe ndihmën sociale përmes Qendrës për Punë Sociale në Ferizaj. Ndërkaq ndihmat e dhuruara kësaj here ishin nga subvencionet e Drejtorisë së Shëndetësisë dhe Mirëqenies Sociale në Ferizaj.
5 familje të fshatit Burrnik, janë ndihmuar nga Drejtoria Komunale e Shëndetësisë dhe Mirëqenies Sociale në Ferizaj.
