Dita e tretë e vizitës së delagacionit ferizajas të prirë nga Kryetari i Komunës së Ferizajt Agim Aliu është realizuar në qytetin e Lozanës, ku delegacioni ynë është pritur nga kryetari i këtij qyteti Daniell Brelaz i cili është shoqëruar nga një pjesë e stafit të ekzekutivit. Takimi ka kaluar në frymë tepër miqësore dhe janë hapur shumë mundësi për rritje të bashkëpunimit. Lozana është mjaft e veҫantë për ne për faktin se jetojnë shumë bashkatdhetarë të ardhur nga Ferizaj. Madje edhe vet takimi është realizuar nga Vice-Consulli i RKS-së në Gjenevës z. Arjan Kashtanjeva në bashëpunim me z. Musa Kamenicën i cili është mjaft aktiv në Lozanë në jetën publike dhe politike dhe jo vetëm z. Kamenica, por përgjithësisht diaspora ferizajase është shumë e organizuar këtu. Agim Aliu e ka falënderuar kryetarin e këtij qyteti për pritjen, për angazhimin e tij konkret në funksion të integrimit të bashkatdhetarëve tanë dhe për krejt kontributin, duke e informuar njëkohësisht për shumë specifika që qytetit tonë, ndërsa homolgu i tij z. Brelaz ka shfaqur interesimin për një vizitë në Ferizaj dhe për intensifikim të bashkëpunimit.
Në mbrëmje, gjithnjë duke iu referuar përkushtimit të madh të Konsulatës së RKS-së në Gjenevës, është organizuar takim (bashkëbisedim) i delegacionit tonë me qindra bashkatdhetarë ferizajas, që ka pasur për qëllim prezantimin e komunës, projekteve, prioriteteve, sfidave, për të vazhduar më tej me një diskutim interaktiv dhe për tu përmbyllur me një program artistik nga ansambli i Valleve dhe Këngëve ” Gëzuar”. Ky takim ka qenë tepër miqësor, emocionues edhe mjaft përmbajtësor në shkëmbimin e shumë të dhënave. Delegacioni ferizajas me këtë rast ka shënuar përmbylljen e kësaj vizite shumë të vlefshme dhe me interes për komunën tonë në planin perspektiv.
Vlenë të theksohet se gjatë qënderimit në Zvicër delegacioni nga Ferizaj është takuar edhe me shumë biznesmen te suksesëshëm ferizajas, ku u diskutua për mundësit e bashkëpunimit dhe investimeve ne Kosovë.
Kjo vizitë ishte me e vecant (emcionuse) se zakonisht për arsyje se, Kryetari Aliu dhe delegacioni nga Ferizaj ishin vazhdimishtë të shoqëruar nga instituciont e Republikës së Kosovës të akredituara në Zvicër, respektivisht nga Konsullate e RKS-së në Gjenevë dhe Vice-Consulli z. Kashtanjeva.
Agim Aliu e ka falënderuar kryetarin e këtij qyteti për pritjen, për angazhimin e tij konkret në funksion të integrimit të bashkatdhetarëve tanë dhe për krejt kontributin, duke e informuar njëkohësisht për shumë specifika për qytetit tonë, ndërsa homolgu i tij z. Brelaz ka shfaqur interesimin për një vizitë në Ferizaj dhe për intensifikim të bashkëpunimit.
