Në këtë takim qëllim kryesor ishte njohja më për së afërmi rreth zhvillimeve dhe aktiviteteve si dhe të trajtimit të kategorive në nevojë, e në veçanti rreth implementimit të Memorandumit të Mirëkuptimit ndërmjet Handikosit, Shoqatës së Paraplegjikëve dhe Paralizës së Fëmijëve të Kosovës dhe Komunës së Ferizajt.
Ky Memorandum përfshin projektin “Përkujdesje dhe Mbështetje e Integruar për Persona me Aftësi të Kufizuar dhe të Moshuar” ku ky projekt ka për qëllim të kontribuoj në mirëqenien, fuqizimin dhe integrimin social të personave të moshuar dhe personave me aftësi të kufizuara në shoqëri.
Projekti “Përkujdesje dhe Mbështetje e Integruar për Persona me Aftësi të Kufizuar dhe të Moshuar” do të financohet nga Zyra e Bashkimit Europian në Kosovë me shumën prej 380,000.00 EUR dhe nga Ministria për Punë dhe Mirëqenie Sociale në shumën prej 20,000.00 EUR.
Përpos mbështetjes së arritur përmes projekteve të ndryshme, HandiKOS ka nevojë edhe për mbështetjen financiare nga Komuna e Ferizajt, për të përmbushur të gjitha nevojat që sigurojnë cilësi në ofrimin e shërbimeve rehabilituese të bazuara në bashkësi për të gjitha grupmoshat, duke përfshirë këtu fëmijët dhe të rriturit me aftësi të kufizuar, dhe të moshuarit. Kjo mbështetje konsiston në një shumë prej 20,000.00 EUR në total gjatë viteve buxhetore 2013-2014.Nga ana e z.Enver Kosumi u dha një përshkrim i përgjithshëm rreth zhvillimeve aktiviteteve si dhe trajtimeve që bëhen për kategoritë e personave në nevojë, në të cilën trajtohen 35 fëmijë me aftësi të kufizuara të cilët përfitojnë shërbime fizioterapeute, psikosociale etj në qendrën e kujdesit ditorë, ndërsa 10-15 persona të rritur si dhe 15-25 persona të moshuar të cilët janë nën përkujdesjen e 11 anëtarëve të stafit punues. Në këtë takim z.Enver Kosumi u shpreh mirënjohës dhe falenderues ndaj Komunës së Ferizajt respektivisht DSHMS-së për kontributin dhe mbështetjen e vazhdueshme të dhënë për kategorinë e personave me aftësi të kufizuara, poashtu u cek që OJQ Handikos ka relacion mjaft të mirë me QKMF-në (Qendra Kryesore e Mjekësisë Familjare) dhe QPS (Qendra për Punë Sociale).
Pas një prezantimit nga ana e z.Enver Kosumi, Drejtori i DSHMS-së z.Vesel Zhinipotoku vlerësoi angazhimin permanent për trajtim të kategorive në nevojë dhe theksoi se qdo herë ne si Institucione Komunale, duke filluar nga Kryetari i Komunës do ti mbështesim të gjitha projektet në kuadër të mundësive buxhetore, mirëpo gjithmonë duke kërkuar raport kthyes rreth kryerjes së shërbimeve sociale për kategoritë në nevojë. Po ashtu Drejtori i DSHMS-së z.Vesel Zhinipotoku, zhvilloi një bisedë me personat të cilët trajtoheshin në qendër të kujdesit ditor nga ana e të cilëve mori një vlerësim pozitiv rreth trajtimeve nga stafi si dhe një falenderim për mbështetjen Institucionale nga Komuna e Ferizajt.
Këtë të premte është zhvilluar një takim zyrtar në mes të Drejtorit të Drejtorisë së Shëndetësisë dhe Mirëqenies Sociale Vesel Zhinipotoku, Udhëheqësit të Sektorit të Shëndetësisë Ibush Bakollit me përfaqësuesin e OJQ-së Handikos z.Enver Kosumi.
