Hapjen e këtij prezantimi e ka bërë Kryetari i Komunës së Ferizajt, Agim Aliu, me ç’rast ka thënë se komuna e Ferizajt në gjashtë vitet e fundit në kuadër të planit komunal për investime të hartuara që në fillim të mandatit, ka bërë investime të shumta në sistemet e kanalizimeve fekale dhe atmosferike, duke ndërtuar 365 metra kanalizim fekale në qytet dhe fshatra, si dhe 20 mijë kilometra kanalizim atmosferik në qytetin e Ferizajt.
“Të gjitha këto investime të bazuara në kërkesat dhe nevojat e qytetarëve tanë. Në bazë të këtij plani investiv kemi rregulluar edhe në mijëra metra kolektorë të kanalizimit fekal deri në vendet ku janë planifikuar të ndërtohen impiantet e ujërave të zeza”, ka thënë Aliu.
Është bërë e ditur se Komuna e Ferizajt, është duke punuar me ngulm në projektet për mbrojtje të ambientit.
“Ne së bashku me Qeverinë Zvicrane kemi filluar me ndërtimin e impiantit të parë biologjik në komunën tonë për trajtimin e ujërave të zeza nw fshatin Komogllavë. Me padurim kemi pritur edhe këtë studim të fizibilitetit për trajtimin e ujërave të zeza në komunën tonë, në mënyrë që sa më parë të fillojmë me gjetjen e mënyrave të financimit për ndërtimin e impiantit jugor të qytetit si dhe impianteve tjera të nevojshme për trajtimin e ujërave të zeza në komunë n tonë”, është shprehur Aliu.
Numri një i qytetit të Ferizajt, Agim Aliu, ka falënderuar Komisionin Evropian për financimin e projektit për studimin e fizibilitetit për trajtimin e ujërave të zeza në Ferizaj, përmes programit WBIF, kompaninë WYG international si implementuese të projektit dhe kompaninë regjionale “Bifurkacioni” për ndihmën e dhënë për këtë projekt.
“Falënderojmë për praninë e tyre qeverinë zvicerane si donator kryesor të ujërave në komunë tonë për gjithë këto vite si dhe donatorët e tjerë nga qeveria gjermane, qeveritë tjera, Ministrinë e Zhvillimit Ekonomik, atë të Mjedisit dhe Planifikimit Hapësinor, përfaqësues të Bankës Evropiane për Ndërtim si dhe të gjithë ata që kanë ndihmuar në realizimin e projekteve në të kaluarën si dhe për përkrahjen e donatorëve të jashtëm dhe të brendshëm për realizimin e projektit të impianteve për trajtimin e ujërave të zeza në komunën tonë”, ka përfunduar Kryetari Aliu.
Këtë të premte në Ferizajt, është bërë prezantimi i projektit për përgatitjen e studimit të fizibilitetit për impiantin e trajtimit të ujërave të zeza në Ferizaj. Në këtë takim merrnin pjesë Kryetari i Komunës së Ferizajt, Agim Aliu, së bashku me drejtorë komunal, përfaqësues të Qeverisë së Republikës së Kosovës, përfaqësues të Komisionit Evropian, përfaqësues të Kompanisë “Bifurkacioni” si dhe përfaqësues të Qeverisë Zvicrane dhe asaj Gjermane si dhe donatorë të shumtë.
