Projekti i rrugës “Brahim Ademi” dhe “Driton Islami”, konsiderohet si njëri ndër projektet më madhore që po realizohen gjatë këtij viti në Komunën e Ferizaj. Projekt ky i përbashkët i Ministrisë së Infrastrukturës dhe Komunës së Ferizajt.
Në fillimin e punimeve në këtë projekt Kryetari i Komunës së Ferizajt, Agim Aliu, ka thënë se ky projekt është njëri ndër projektet më madhore dhe më të rëndësishme për Ferizajn, sepse ky projekt është i hyrje – daljeve të qytetit të Ferizajt, rrugë këto që lidhin Ferizajn me qytetin e Shtimes si dhe me Komunën e Prishtinës.
“Kjo edhe një herë tregon atë qasjen tonë, përkushtimin tonë, që Ferizajn ta bëjmë gjithnjë e më shumë, një qendër urbane me hyrje dalje që i kanë hije një qyteti çfarë është qyteti i Ferizajt. Tashmë kemi thënë se qyteti i Ferizajt është qyteti i trete për nga numri i banorëve, por i dytë për nga zhvillimi ekonomik dhe sigurisht se ndërtimi i një infrastrukturë të tillë mundëson që Ferizajt të vazhdon me një ecje të shpejtë dhe me një ecje drejt zhvillimit ekonomik”, tha Kryetari Aliu, duke falënderuar Ministrin e Infrastrukturës Fehmi Mujotën për mbështetjen e fuqishme që i ka dhënë këtij projekti, deputete si dhe gjithë ekipin mbështetës që ka ndihmuar në realizimin e këtij projekti kaq të rëndësishëm për qytetin e Ferizajt.
Nga na tjetri Ministri i Infrastrukturës Fehmi Mujota, ka thënë se ky projekt do të jetë një zgjidhje jo vetëm për Komunën e Ferizajt, por edhe për komunat për rreth.
“Tashmë jemi në përfundim të disa projekteve kapitale që lidhin Komunën e Ferizajt me Komunën e Shtimes dhe me Suhareken, por mbi të gjitha ky projekt do të jetë thelbi i projekteve të cilat Ferizajn, do ta bëjnë shumë më funksional. Jemi në prag të nisjes së projektit më madhor që të përshkojë gjithë vendin i cili do të vjen në Komunën e Ferizajt, është fjala për autostradën Prishtinë-Ferizaj-Kaçanik- Hani i Elezit dhe tashmë Kryetari i Komunës dhe qytetarët ferizajas me këto projekte që kanë nisur vetëm se do të jenë më të gatshëm që të presin projektin madhor të autostradës që do të kenë edhe hyrje- daljet të një qyteti modern.
Projekti i rrugës “Brahim Ademi” dhe “Driton Islami” kap shumën rreth 4 milion euro. Kjo rrugë do të ketë një gjatësi prej mbi 4 kilometra, e cila do të jetë me katër korsi dhe me të gjitha parametrat dhe standardet evropiane.
Në fillimin e punimeve, morën pjesë Ministri i Infrastrukturës, Fehmi Mujota, Kryetari i Komunës së Ferizajt, Agim Aliu, Deputet të Kuvendi të Kosovës, Drejtor të Drejtorive si dhe shumë struktura të tjera udhëheqëse.
