Kryetari i komunës së Ferizajt, Muharem Svarqa së bashku me drejtorin e Shëndetësisë dhe Mirëqenies Sociale, Burim Karameta si dhe Tevide Imeri kryetare e Sindikatës Shëndetësore regjionale, kanë pritur në një takim zyrtarë të Sindikatës së Shëndetësisë së Kosovës të kryesuar nga Dr. Blerim Syla.Me këtë rast kryetari i kësaj sindikatë Blerim Syla, ka kërkuar përkrahje nga kryetari i komunës Muharem Svarqa, që të lobojë me shumë që të ndryshohet njëri prej neneve në Ligjin për Sigurimin Shëndetësor, ku ai nen mendohet që nuk do të përfshijw shëndetësinë primare në sigurimin shëndetësor.
Për këtë çështje është pajtuar edhe kryetari Muharem Svarqa, duke theksuar se ai nen duhet të përfshihet në sistemin shëndetësor primarë në kuadër të Ligjit për Sigurim Shëndetësor. Gjatw këtij takimi kryetari Muharem Svarqa është zotuar së do të ketë bashkëpunim me të gjitha sindikatat dhe i ka dhënë rëndësi shumë të veçantë funksionimit të tyre. Gjithashtu ai ka potencuar mbështetjen e tij, dhe jo siç, ka ndodhur në të kaluarën ku pjesëtarë të sindikatave të mbesin pa punë siç është shembull konkret Dr. Asllan Shabani.
Diskutohen çështje të shumta sa i përket sferës shëndetësore.
