Në këtë takim kryetari i Komunës së Ferizajt, Muharem Svarqa, ka thënë se është angazhuar ekskluzivisht në përmirësimin e imazhit ndaj shëndetit publik, në mënyrë që qytetarët ferizajas të kenë një shëndetësi shumë efikase.
“Ne në konkursin e rregullt për mjek dhe teknikë, kemi bërë një renditjen tuaj se kush ka përparësi për të gëzuar një privilegje të pjesës së punës me participimin që kemi bërë me Cartias Kosovën 50 me 50 për çka në emrin tuaj u janë mirënjohës. Ndoshta jo të gjithë që e kanë merituar, kanë qenë pjesë e këtij konkursi, por pjesa më e madhe kanë qenë ata që kanë përmbushë kriterin profesional dhe social për të qenë pjesë e kësaj pune”, ka thënë Svarqa, duke theksuar se rëndësi shumë të madhe i ka kushtuar rasteve të cilat kanë pasur nevojë për punë.
“ Ju kemi kushtu rëndësi të veçantë nënave, të cilat kanë prit shumë gjatë për një vend pune ato të cilat për fat të keq kanë pasur edhe ndonjë fatkeqësi të madhe si nga familjet e dëshmorëve po ashtu edhe nga invalidët dhe veteranët e luftës, për fat të keq kanë pasur raste edhe ndonjë që ka pasur familjarë të sëmurë dhe kemi dashur t’i përmbushim këto qëllime ndaj njerëzve të cilët kanë nevojë për t’i kthyer ne shpresën dhe cilat është edhe qëllim edhe i Caritas Kosovës”, është shprehur Svarqa.
Nga ana tjetër drejtori gjeneral i Caritas Kosovës, Don Viktor Sopi, ka thënë se çdo herë do t’i del në ndihmë Komunës së Ferizajt, edhe në marrëveshje të tjera.
Pjesë e këtij takimi ishin edhe një pjesë e të rinjve në kuadër të marrëveshjes për mbrojtjen të ambientit të cilët janë pjesë përbërëse e kontrollimit nëpër punkteve të cilat do të kontrollojnë dhe do të bëjnë parandalimin e prerjes së pyjeve.
Këtë të premte kryetari i komunës së Ferizajt, Muharem Svarqa,së bashku me drejtorin e Drejtorisë së Shëndetësisë dhe Mirëqenies Sociale Burim Karameta, drejtorin e Qendrës së Mjekësisë Familjare Dr. Asllan Shabanin si dhe drejtorin e Caritas Kosovës, Don Viktor Sopin, janë takuar me mjekët dhe stafin tjetër teknik të cilët janë punësuar në QKMF.
