Numri një i qytetit të Ferizajt, Muharrem Svarqa, në programin e mëngjesit të Koha Vision (KTV),ka folur rreth sfidave dhe sukseset e arritura në 100 ditshin e qeverisjes së tij. Ai më këtë rast ka theksuar se ashtu siç ka premtuar edhe në fushat zgjedhore ka filluar së realizuari me projektet e tij madhore për qytetin e Ferizajt.
“Në kuadër të premtimeve që kemi dhënë menjëherë kemi filluar me realizimin e tyre. Ajo çka vlen të përmendet ka qenë ndalja e prerjes së pyjeve në territorin e Komunës së Ferizajt, kjo ka qenë njëra ndër punët e para që kemi bërë së bashku me Drejtorinë e Bujqësisë, Pylltarisë dhe Zhvillimit Rural, për shkak të asaj se ka qenë një prerje e pa mëshirshme e pyjeve. Këtu i jam mirënjohës edhe organeve të rendit që na kanë ndihmuar në këtë aksion dhe ne tashmë kemi vendosur edhe disa punkte në vendet malore në mënyrë që mos të ketë prerje ilegale të pyjeve, një punkt të tillë e kemi vendosur edhe në vijën kufitare në mes Komunës së Ferizajt dhe asaj të Suharekës, për çka e falënderoj edhe kryetarin e asaj Komune Sali Asllanja”, është shprehur kryetari Svarqa.
Kryetari Svarqa, ka thënë se se gjatë kësaj periudhe ka bërë edhe mbylljen e 45 lojërave të fatit të qytetin e Ferizajt, për shkak të asaj se nuk i janë përmbajtur rregullave të paraparë në bazë të ligjit i cili është në fuqi. Aksioni është marrë së bashku me Inspektorët e Administratës Tatimore të Kosovës, Inspektorët Komunal, Policinë, por edhe në bashkëpunim me Drejtorinë e Pronës, Gjeodezisë dhe Kadastrit në Ferizajt.
Në programin e mëngjesit të Koha Visionit (KTV), kryetari i Komunës Muharrem Svarqa, ka folur edhe punësimin e mjekëve dhe infermierëve nëpër institucionet shëndetësore.
“Ne kemi punuar edhe ne segmente të tjera vetëm në sferën e shëndetësisë kemi realizuar në bashkëpunim me Caritasin një memordnum bashkëpunim, ku kemi arritur të punësojmë 29 infermiere dhe 23 mjek, ku për herë të parë është arritur që të gjithë mjekët specialistë të mjekësisë familjare të mos mbesin pa punë. Ne po ashtu çdo ditë e më shumë po bëjmë edhe hapësira të reja, duke bërë kështu edhe zgjerimin e të gjitha punkteve shëndetësore edhe në fshatrat, por edhe duke realizuar një projekt tjetër tek pacientët e lidhur për shtrati ku mjekët e praksës së përgjithshme vizitojnë ata. Ndërsa tek Qendra numër dye Mjekësisë Familjare, kemi bërë edhe kujdestarinë e natës”, tha Svarqa.
Ndërsa në pyetjen e gazetares së si e gjete kryetari Svarqa, këtë institucion ai ka thënë se Komuna ishte e futur edhe në shumë borgje të mëdha, duke përmendur kështu edhe kategoritë në të cilat janë borgjet shumë të mëdha, por ai ka thënë se të gjitha këto borgjet nuk do të paraqesin probleme për të.
I pari i Ferizajt, është ndalur edhe tek projektet të cilat tashmë kanë filluar të realizohen edhe nga pushteti i ri, duke përmendur kështu projektet e infrastrukturës rrugore, ujësjellës dhe kanalizim.
Kryetari i Komunës së Ferizajt, Muharrem Svarqa i është përgjigjur edhe shumë pytjeve të shikuesve në këtë emision.
Kryetari i Komunës së Ferizajt, Muharrem Svarqa, në programin e mëngjesit të Koha Vision (KTV), ka folur për sfidat dhe sukseset të cilat ka arritur në 100 ditshin e parë në qeverisjen lokale.
