Një organizim i sektorit të rinisë nga komuna e Ferizajt mblodhi sot dhjetëra të rinjë për të prezantuar punën vullnetare dhe aktivitetet e realizuara gjatë vitit 2013 nga disa të rinjë ferizajas në shumë fusha.
Për t’i promovuar dhe shpërblyer me shuma simbolike këto punë u tha se nga ky vit janë ftuar pjestarët e shoqërisë civile të cilët vet propozojnë disa emra të të rinjve dhe më pas një komision i pavarur bën përzgjedhjen e njërit prej tyre.
Çmimi i vullnetares më të mirë për vitin 2013 i takoi Marigona Hamdiut nga organizata Handikos e cila është njëkohësisht edhe studente në fakultetin e Administratës Publike në universitetin AAB e cila cdo dit përveç angazhimeve personale kujdeset edhe për një grua të moshuar dhe këtë thotë se e bën vetëm për të treguar se ndihma për kategoritë në nevojë nuk duhet të jetë vetëm financiare.
Komisioni përzgjedhës tha se e ka pasur të vështirë t’i vlerësojë punët meqë secili kandidat ka qenë më i mirë se tjetri por prapë kujdesi shëndetësor për të moshuarit e vetmuar ka dominuar sepse kjo kategori konsiderohet e margjinalizuar në shoqërinë tonë.
Ndërkaq për sektorin e rinisë aktiviteti i sotëm është një mesazh i qartë se punët e mira duhet shpërblehen dhe se idetë e tilla duhet të jenë më të shpeshta e të prezantohen më fuqishëm në mesin e të rinjëve ferizajas.
Shuma prej 100 eurosh qe e jep me ketë rast Komuna e Ferizajt u tha të jetë simbolike dhe jo meritore për punën e bërë por sipas tyre e rëndësishme është shtytja dhe paraqitja e punëve vullnetare.
Përveç shpërblimit për vullnetaren më të mirë u ndanë edhe disa mirënjohje për bashkëpunëtorët e tjerë nga KFOR-amerikan OSBE dhe organizata të tjera të shoqërisë civile për kontributin e dhënë në këtë fushë. Ndërsa për t’i dhënë kurajo sa më shumë të rinjve për t’u marrë me punë vullnetare një mirënjohje e veçantë iu dha mirënjohje edhe Gent Gashit si aktivisiti më i ri në moshë.
Një organizim i sektorit të rinisë nga komuna e Ferizajt mblodhi sot dhjetëra të rinjë për të prezantuar punën vullnetare dhe aktivitetet e realizuara gjatë vitit 2013 nga disa të rinjë ferizajas në shumë fusha.
