Me këtë rast kryetari i Komunës Muharrem Svarqa, këtë delegacion e ka njoftuar lidhur me qytetin e Ferizajt, për historinë e saj, por edhe për fushat të ndryshme ekonomike me të cilat njihet qyteti ynë.
Kryetari Svarqa, po ashtu ka thënë se si qeverisje, po punojnë me përkushtim shumë të madh në realizimin e programit qeverisës i cili ka të bëjë edhe me stabilitetin ekonomik, por edhe me një stabilitet tjetër siç është fusha e sigurisë.
“Ne jemi të interesuar që të punojmë shumë në zhvillimin e politikave për integrim evropian dhe të krijojmë të gjitha parakushtet për këtë proces, i cili është shumë i rëndësishëm për Kosovën, por edhe për qytetin e Ferizajt, në mënyrë që të bashkëpunohet në të ardhmen edhe në shumë fusha të tjera”, ka thënë kryetari Svarqa, duke theksuar se një bashkëpunim të tillë do të ketë edhe me qytetin e Carouge e Zvicrës.
“Ne besojmë shumë që do të kemi bashkëpunim edhe me ju, duke shkëmbyer përvoja si në fushën e kulturës, sportit, ekonomisë, por edhe zhvillimit të turizmit, por natyrisht që këtë bashkëpunim ta shtrimë edhe në shumë fusha të tjera të cilat janë shumë të rëndësishme për ne”, është shprehur kryetari Svarqa.
Nga ana tjetër kryetari i Komunës së Carouge e Zvicrrës, Nicolas Walder, ka thënë se ishte kënaqësi e madhe që të vizitojë qytetin e Ferizajt, dhe të sheh nga afër edhe zhvillimin e këtij qytetit.
“Në qytetin Carouge e Zvicrrës, ka shumë shqiptarë dhe shumica prej tyre kanë edhe shtetësinë, por për mua vërtet është kënaqësi shumë e madhe që sot jam në mesin e shqiptarëve të Kosovës, ne veçanti të qytetit të Ferizajt. Këtu pashë një zhvillim shumë të madh që nga vitit 1998, kur kam qenë në Kosovë për herë të parë me Kryqin e Kuq, por besoj që edhe në vitet në vazhdimi Kosova dhe Ferizaj të zhvillohet edhe shumë më shumë”, ka thënë Walder, duke thënë se tash e tutje do të kenë një bashkëpunim shumë më të madh me qytetin e Ferizajt dhe kryetarin e Komunës, Muharrem Svarqa.
Kryetari i Carouge e Zvicrrës, Nicolas Walder, me këtë rast e ka ftuar kryetarin e Ferizajt, Muharrem Svarqa, për një vizitë në Zvicër dhe të bisedohet për projekte të tjera të bashkëpunimit në mes këtyre dy qyteteve.
Në fund të këtij takimi janë shkëmbyer edhe dhurata mes kryetarit Svarqa dhe kryetari Walder.
Qyteti Carouge ka afër 21000 banor, dhe sipërfaqja e saj është 2.65 km2. Është krijuar me vullnetin e Mbretit te Sardenjes Viktor-Amede III, dhe është bere qytet me 31 janar 1786. Është ndërtuar nga arkitekt te Pjemontes, dhe deri me sot ka ruajtur specifikat e veta te fundit te shekullit XVIII.
Sot ne Carouge, ka shume aktivitete kulturore, ekonomike, manifestime te ndryshme. Ka te punësuar aq sa ka banor. Lokacioni i privilegjuar i qytetit ka mundësuar zhvillimin e hershem te industrive te ndryshme si dhe, me kalimin e kohës, shndërrimin e tyre ne aktivitete ekonomike bashkëkohorë. Sot ne Carouge janë disa ndërmarrje aktive në planin lokal, rajonal, kombëtar por edhe ndërkombëtar.
Numri një i qytetit të Ferizajt, Muharrem Svarqa i shoqëruar edhe nga drejtori i Drejtorisë së Kulturës, Rinisë dhe Sportit Enver Haliti si dhe drejtoresha e Drejtorisë së Zhvillimit Ekonomik dhe Turizmit Mimoza Fazliun, këtë të premte kanë pritur në një takim kryetarin e Komunës së Carouge e Zvicrrës Nicolas Walder i shoqëruar po ashtu edhe nga ekipi i tij.
