Ferizajasit Behar Hyseni dhe Drijon Hasani, nxënës të klasës XI të kolegjit “Mehmet Akif”, kanë dalë të parët në garën ndërkombëtare shkencore ISPrO, që u mbajt nga 4 deri më 9 maj në Xhakarta të Indonezisë.
Ata u shpallën më të mirët e më të mirëve duke marrë pjesë në garat e kimisë. Me projektin e tyre: “Heqja e monoksidit të karbonit duke përdorur hemoglobinën si biofilter“.
“Ishte një nder i madh për ne që prezantuam Kosovën në olimpiadën e organizuar nga Ministria e Arsimit e Indonezisë”, tha Behar Hyseni, pas kthimit me medalje të artë nga Xhakarta.
“Ditën e parë, askush nga pjesëmarrësit nuk kishte njohuri për Kosovën. Nga shpjegimet tona, ata mësuan shumë gjëra për vendin tonë. Besoj se kjo ishte puna më e madhe që bëmë gjatë pjesëmarrjes në këtë garë diturie”, shtoi Drijon Hasani.
Në garën e dijeve shkencore në Xhakarta morën pjesë mbi 30 vende të botës.
Ferizajasit Behar Hyseni dhe Drijon Hasani, nxënës të klasës XI të kolegjit “Mehmet Akif”, kanë dalë të parët në garën ndërkombëtare shkencore ISPrO, që u mbajt nga 4 deri më 9 maj në Xhakarta të Indonezisë.
