Me këtë rast shefi për bashkëpunim i Zyrës së Bashkimit Evropian në Kosovë Christof Stock, ka thënë se Bashkimi Evropian, ka financuar në shumë projekte në Komunën e Ferizajt, në të mirë që të përmirësohet sa më shumë jeta e qytetarëve të Ferizajt.
“Në përgjithësi nga ky projekt “Kosova e bukur 2”, do të përfitojnë pothuajse 1500 studentë që është një numër mjaft i madh dhe është një benefit për ju. Me të vërtet shpresojë se do t’a shfrytëzoni këtë teren sportiv, në mënyrë më të duhur dhe me të mirë, dhe shpresoj që për gjeneratat që do të vinë pas jush ky teren do të jetë në gjendje të njëjtë. Implementimi i këtij projekti “Kosova e bukur 2”, nuk ka qenë vetëm që të plotësohen kushtet për nxënësit dhe qytetarët, po ka qenë pak a shumë që të zbutë edhe problemin e punësimit sepse përmes këtij projekti janë punësuar 77 punëtorë që kanë qenë të regjistruar si të papunë në Ministrinë e Mirëqenies Sociale”, ka thënë Stock, duke theksuar se në kuadër të këtij numri, prej tyre ka pasur femra, pjesëtarë të komuniteteve pakicë si dhe persona me aftësi të kufizuara.
Të pranishmit në këtë aktivitet i ka përshëndetur edhe shefi i misionit të IOM-it në Kosovës Jorge Baca. Ai ka thënë se ky projekt është shumë i rëndësishëm për të gjithë ferizajasit e në veçanti për nxënënsit e kësaj shkolle.
“Me parë ky vend ka qenë me baltë, ndërkaq sot është një vend i mrekullueshëm, dhe të gjithë ju, do t’a shijoni dhe këtu keni dy teren sportive”, ka thënë Baca.
Ndërkaq numri një i Komunës së Ferizajt, Muharrem Svarqa, ka falënderua të gjithë për financimin e këtij projekti dhe në mënyrë të veçantë ka falënderua edhe drejtoreshën e Zhvillimit Ekonomik dhe Turizmit Mimoza Fazliun e cila ka dhënë një kontribut të madh ne rregullimin e oborrit të gjimnazit “dr. Shaban Hashani” në Ferizaj.
“Jam këtu për t’ju përgëzuar dhe për t’ju uruar për inaugurimin e punimeve për rregullimin e rrethojave të oborrit të shkollës suaj këtu dhe ju përshëndes në emër të të gjithë bashkëpunëtorëve të mijë dhe ne emër të drejtoreshës për zhvillim ekonomik Mimoza Fazliu, e cila ka qenë e përkushtuar në realizimin e këtij projekti dhe natyrisht unë kështu e ndjej vetin si në shtëpinë time, sepse këtu kam qenë në gjeneratën e parë në këtë shkollë kur është inauguruar për herë të parë, prandaj e kuptoj sikurse ju dëshirën për të pasur një ambient më të mirë dhe për pasur kushte më të mira për mësim, sepse ne mesin tuaj gjenden edhe liderët e së ardhmes”, ka thënë kryetari Svarqa.
Pas pjesës ceremoniale, nxënësit e kësaj shkolle e kanë zhvilluar edhe një lojë futbolli me krerët e këtyre institucioneve. Vlera e këtij projekti kap shumë rreth 170 mijë euro
Në këtë përurim morën pjesë, kryetari i Komunës së Ferizajt, Muharrem Svarqa, drejtoresha e Zhvillimit Ekonomik dhe Turizmit Mimoza Fazliu, shefi për bashkëpunim i Zyrës së BE-së në Kosovë Christof Stock, shef i Misionit të IOM-it në Kosovë, Jorge Baca,drejtues të shkollave, nxënës dhe mysafirë të shumtë.
