Për këtë qëllim ka filluar edhe fushata për regjistrim të këtyre personave dhe personave të tjerë duke ju krijuar kushte për regjistrim duke hequr të gjitha shpenzimet që do të krijohet.
Për të senzibiluar të gjithë qytetarët të cilët ende nuk janë të regjistruar nga komuniteti REA, sot në Ferizaj ka qëndruar zëvendësministri i Administrimit të Pushtetit Lokal, Bajram Gecaj. Ai nga kryetari i Ferizajt, Muharrem Svarqa është informuar se në Ferizaj, janë rreth 19 persona që ende nuk janë të regjistruar askund dhe ftoi komuniteti që ta shfrytëzojë këtë fushat që ata të gëzojnë të drejtën e regjistrimit.
"Gjithçka që është e mundur dhe në kompetenca të komunës do të jemi në shërbimin tuaj. Ju e dini që para disa ditë është marrë një vendim që asnjëri që i fillon këto procedura nuk do të paguajë asnjë shpenzim për ty regjistruar. Unë ju ftojë në emër të komunës që të regjistroheni", është shprehur kryetari Svarqa.
Ndërkaq zëvendësministri i Administrimit të Pushtetit Lokal, Bajram Gecaj tha se është shumë me rëndësi ky regjistrim që më pas të gjithë ata që deri më tani nuk i kanë gëzuar të drejtat e tyre do ta kenë këtë të drejtë.
“Është shumë e rëndësishme që ju të regjistroheni, është e rëndësishme për të drejtat e komunitetit tuaj, është e rëndësishme edhe për shtetin e Kosovës. Sepse ne dëshirojmë që t’ju garantojmë të gjitha të drejtat e barabarta për të gjitha komunitet edhe për proceset në të cilat gjendet Kosova”, tha Gecaj.
Fadil Bislimi qytetar tha se ai ende nuk i ka të pa regjistruar 2 fëmijë arsyet janë kushtet financiare për plotësimin e dokumentacionit,
"Arsye pse nuk jemi regjistruar është se nuk kemi pare sepse unë nuk jam në punë dhe social nuk kam dhe pare nuk kemi ndoshta kushton 12 euro rregullimi i dokumenteve nga ti marrin ne sepse jam i papunë", ka thënë Bislimi.
Fushata për regjistrimin të qytetarëve ku të gjitha shërbimet janë falas do të zgjasë deri më 15 mars të këtij viti.
19 persona te komunitetit REA konsiderohen si qytetar të cilët ende nuk janë të regjistruar dhe nuk posedojnë asnjë dokument.
