Në përurimin e kësaj ambulante mori pjesë kryetari i komunës së Ferizajt, Muharrem Svarqa së bashku me drejtorin DSHMS, Burim Karameta ,drejtorin e QKMF-së Asllan Bajrami,mjek të kësaj ane dhe banorë të fshatit Komogllavë.
Me këtë rast i pari i Ferizaj përgëzoi banorët e kësaj ane për këtë qendër të mjekësisë e cila do të jetë në shërbim të shëndetit të banorëve të këtij fshati.
“ Më vjen mirë që sot po përurojmë një nga objektet e shëndetësisë familjare, në njërin nga fshatrat më të mëdha të komunës sonë. Gjithashtu më vjen mirë që Komogllava e cila ka dhënë në vazhdimësi kuadro për shëndetësinë e Kosovës dhe shëndetësinë e Ferizajt, tani po i kthehen vetvetes duke krijuar objekt të rëndësishëm përmes investimeve që ka realizuar Komuna me mjete vetanake . Ky është një investim i cili komunës i ka kushtuar mbi 100 mijë euro pa llogaritur infrastrukturën e objektit dhe jashtë këtij objekti”, është shprehur kryetari Svarqa.
Svarqa tha se hapja e kësaj qendre mjekësor jo vetëm që do ketë staf të kompletuar dhe të ofroi shërbime shëndetësor, por do të krijojë edhe parakushte për vizita specialistike në të ardhmen .
Edhe drejtori i DSHMS, Burim Karameta, ka përgëzuar banorët e këtij fshati për ambulanten e re.
Banorët i përshëndeti edhe mjeku dhe anesteziologu Nehat Baftiu, i cili tha se ka kohë që ka ëndërruar në ndërtimin e një qendre të tillë, sepse si fshat e ka merituar, por edhe ka kuadro të mjaftueshme.
Por edhe banorët e Komogllavës u shprehën të gëzuar për inaugurimin e kësaj qendre për faktin se do tu ofrohen më shumë shërbime e ku aty do të kenë edhe stomatologun.
Me këtë rast u ndanë edhe shumë mirënjohje për ata që kontribuuan në shëndetësinë e kësaj ane, si dhe u falënderua edhe shefi i stomatologjisë pranë QKMF-së Muhamet Ramadani, i cili për këtë qendër mjekësore kishte dhuruar një karrige të stomatologjisë.
Këtë të hënë në fshatin Komogllavë të Ferizajt është bërë përurimi i ambulantes së re.
