Edhe tani, pas 14 vitesh, 11 shtatori 2001 vazhdon të trokasë në kujtesën dhe ndërgjegjen tonë. Rritja e ekstremizmit fetar viteve të fundit, depërtimi i këtyre rrymave edhe në Ballkan dhe në Kosovë, ka shtuar shqetësime të arsyeshme për mundësinë e veprimeve terroriste. Së këndejmi, ferizajasit dhe kosovarët kanë arsye për të bashkëndier me amerikanët për tragjedinë e 11 shtatorit dhe për të shtuar përpjekjet që të jenë edhe më afër Shteteve të Bashkuara dhe Bashkimit Evropian, në mënyrë që t’i bëjnë ballë rreziqeve të mundshme në të ardhmën.
Prandaj 11 shtatori 2001, vazhdon të përjetohet si një trokitje që do të na kujtojë përherë kujdesin për t’ia prerë rrugën së keqes dhe përkushtimin për forcimin e përcaktimit drejt së ardhmës perëndimore të ferizajasve dhe kosovarëve.
Muharrem Svarqa
Kryetar i Ferizajt
Ngjarjet e 11 shtatorit 2001, ishin shqetësuese për të gjithë kosovarët, duke marrë parasysh rolin e Shteteve të Bashkuara të Amerikës për çlirimin e tyre nga vuajtjet e pafund. Por ferizajasit veçanërisht bashkëndien vuajtjet e amerikanëve më 2001, meqë tashmë kishin një lidhje më të afërt me ta, përmes kampit Bondsteel, ku punonin dhe siguronin mirëqenien e familjeve mijëra bashkëvendës tanë.
