Banorët e fshatit Papaz, këtë të hënë i janë gëzuar sot hapjes së shkollës së re në fshatin e tyre për herë të parë në historinë e tij. U tha se objekti i shkollës ishte ndërtuar para pesë vitesh, por tani janë krijuar kushtet për t’u funksionalizuar ky objekt. Paralelja e ndarë në fshatin Papaz është paralele e ndarë nga shkolla fillore “Abetarja” në Softaj ku deri më tani i kanë ndjekur mësimet nxënësit e fshatit Papaz.
Mësimin për herë të parë në këtë fshat do ta nisin 42 nxënës dhe 3 mësimdhënës të cilët do të punojnë në formë të kombinuar. Autoritetet komunale thanë me këtë rast, se hapja e shkollave është gjithmonë prioritet i investimeve të tyre.
“Në fshatin Papaz, po fillon një ditë e re përmes kësaj shkolle, edhe pse jo në mënyrë të popullarizuar sipas metodave pedagogjike të mësimit të kombinuar, por kjo ka qenë zgjidhja e vetme e mundshme e cila është përshëndetur nga personeli arsimor, nga këshilli i prindërve si dhe nga drejtoria e shkollës”, ka thënë kryetari Svarqa.
Të pranishmit në këtë manifestim i ka përshëndetur edhe drejtori i Drejtorisë së Arsimit në Ferizajt, Muhamet Halii si dhe drejtori i shkollës “Abetarja” Xhevdet Shabani.
Edhe përfaqësues të fshatit e vet nxënësit thanë se kjo kështjellë e diturisë për ta ka qenë një ëndërr e kamotshme.
Shkolla e fshatit Papaz i ka kushtuar buxhetit komunal mbi 240 mijë euro në vitin 2010, ndërsa edhe në qershor të këtij viti janë investuar mbi 40 mijë euro për ta bërë të gatshme për mësim.
Pas këtij aktiviteti kryetari i komunës së Ferizajt, nga afër ka vizituar edhe shkollën “Kemajl Hetemi” në fshatin Rahovice, ku u njoftua nga afër me problemet të cilat preokupohet kjo shkolle. U bë e ditur se së shpejti në këtë shkollë do të fillojë edhe rregullimi i infrastrukturës së jashtme të kësaj shkolle, duke investuar ne parqe, terrene sportive dhe gjera të tjera të nevojshme.
Kështu dukej shkolla e fshatit Papaz e ndërtuar në vitin 2010, por që nuk ishte funksionale. Kjo shkolle ishe demoluar dhe ishte mbuluar nga barishte të shumta dhe e lënë në harresë, por edhe jashtë funksionit. Por Komuna e Ferizajt, bëri renovimin e saj dhe tashmë funksionalizoi këtë shkollë, ku nxënësit e këtij fshati tash e tutje mësimet do t’i ndjekin në fshatin e tyre.
Banorët e fshatit Papaz, këtë të hënë i janë gëzuar sot hapjes së shkollës së re në fshatin e tyre për herë të parë në historinë e tij. U tha se objekti i shkollës ishte ndërtuar para pesë vitesh, por tani janë krijuar kushtet për t’u funksionalizuar ky objekt. Paralelja e ndarë në fshatin Papaz është paralele e ndarë nga shkolla fillore “Abetarja” në Softaj ku deri më tani i kanë ndjekur mësimet nxënësit e fshatit Papaz.