I dhurohet Komunës një sasi e konsiderueshme e ndihmave

Zyrtarë të këtij klubi kanë thënë se kjo ndihmë hynë në kuadër të ndihmave që rotarianët i kanë dërguar organizatave simotra në komunat e Kosovës, të cilat komuna do t’i shpërndajë për nevojtarët e saj."Bëhet fjalë për një sasi prej 1 toni të fletorëve, një sasie të pajisjeve mjekësore si dhe disa pajisje sportive. Në kuadër të këtij kontigjenti hynë edhe një sasi e barnave e cila pas kalimit të procedurave të verifikimit dhe doganimit do t’u dhurohet institucioneve komunale", ka thënë Selim Hyseni, kryetar i Rotary Clubit në Ferizaj.

Në anën tjetër këtë donacion, e kanë vlerësuar edhe drejtori i Shëndetësisë dhe Mirëqenies Sociale, dr. Burim Karameta, si dhe ai i Arsimit, Muhamet Halili, të cilët kanë thënë se këto ndihma janë më së të nevojshme për popullatën e këtushme.

“ Drejtoria e Shëndetësisë dhe Mirëqenies Sociale, veç ka filluar bashkëpunimin me Rotary clubin, pjesë e kryesisë së këtij klubi janë edhe mjekë ferizajas, të cilët e kanë parë të arsyeshme që të gjitha këto instrumente mjekësore të kirurgjisë, këto karroca për personat me nevoja te veçanta të shpërndajmë, por po presim edhe një numër të madh të pajisjeve mjekësore, por edhe të barnave që janë në doganat e Kosovës”, ka thënë Karameta.

Mësohet se shpërndarja e fletorëve për nxënësit do të bëhet në mënyrë proporcionale, kryesisht për ciklin e ulët, ndërsa zyrtarë të këtij klubi kanë bërë të ditur se në kuadër të aktiviteteve humanitare së shpejti do të filloj edhe projekti i mbështetjes së studenteve me bursa.

Rotary Club i ka dhuruar të premten Komunës së Ferizajt një sasi të madhe të fletorëve për nxënës, pajisjeve sportive si dhe pajisje mjekësore në kuadër të një aktiviteti humanitar, i cili do të bëhet i plotë pas arritjes edhe të një sasie të barnave mjekësore të cilat për momentin ndodhen në procedurën e zhdoganimit.

I dhurohet Komunës një sasi e konsiderueshme e ndihmave

Si mund të?

Si mund të?