Me këtë rast numri një i qytetit të Ferizajt, Muharrem Svarqa ta se ndjehet tejet i kënaqur që është pjesë e këtij projekti së bashku edhe me komunat e Gjakovës dhe atë të Vushtrrisë, një pilot projekt shumë i rëndësishëm që ka të bëjë me punësimin, një problem mjaft shqetësues të për gjitha qytete e Kosovës.
“Dëshiroj me këtë rast të përkujtoj se, sipas shënimeve të publikuara nga Qendra rajonale e punësimit, në komunën e Ferizajt aktualisht janë të regjistruar si të papunë mbi 17 mijë, prej të cilëve mbi 7 mijë e 200, ose rreth 42 për qind janë të pakualifikuar, ndërsa rreth 40 për qind janë të moshës ndërmjet 16 e 24 vjeç, kurse 8 mijë e 141, ose 47.7 për qind janë të moshës ndërmjet 25 e 39 – vjeçare. Sipas këtyre shifrave, del se afro 70 për qind e të papunëve, janë të moshës nën 30- vjeç. Së këndejmi, papunësia është një nga problemet më të mëdha që sot shoqëria jonë.Ne kemi një qendër për aftësime profesionale në Ferizaj, e cila ndihmon të rinjtë që të kualifikohen, por ka ende punë për të bërë në shkollimin profesional të të rinjve, ashtu siç ka ende shumë hapësirë për të përmirësuar cilësinë e shkollimit”, ka thënë kryetari Svarqa.
Ai tha se komuna e Ferizajt shpreh gatishmërinë e plotë për të marrë përsipër obligimet që dalin nga të gjitha tubimet që kanë për qëllim angazhime rreth përgatitjes së të rinjve për tregun e punës dhe ndikimin në punësimin e të papunëve.
“Specifikimi i çështjeve kryesore me të cilat ballafaqohen akterët që ndërlidhen me punësimin e të rinjve, i cili është në fokus të këtij takimi, përbën gjithashtu një faktor të rëndësishëm të kësaj teme. Prandaj, uroj për suksese dhe ofroj mbështetjen time të plotë për punë të suksesshme”, tha Svarqa.
Të pranishmit në këtë prezantim i ka përshëndetur edhe Ylber Aliu, ushtrues detyre i divizionit për koordinim dhe monitorim të zyrave të punës në kuadër të Ministrisë së Punës dhe Mirëqenies Sociale.
Këtë projekt të një rëndësie shumë të madhe e ka quajtur edhe udhëheqësja e projektit “Ypeik” Emily Cullom.
Me këtë rast u bisedua lidhur me shumë çështjet kyce me të cilat ballafaqohen akterët e ndryshëm që nderlidhen me punësimin e të rinjve përfshirë këtu edhe cështjet gjinore.
Në kuadër të projekti “Promovimi i punësimit të të rinjve” në Kosovë, projekt ky i GIZ-it gjerman, pjesë e së cilës është edhe komuna e Ferizajt, u prezantuan të gjeturat nga raporti i vlerësimi të nevojave të të rinjve ferizajas.
